華輝餐廳 (已結業)

好耐無黎大埔幫襯呢一間名店，今日去食下午茶餐，味道依然好食，識食一定叫蘋果批，仲一定要叫三角批，何解？因為三角批係大蘋果批砌出黎，而大批的餡除咗蘋果蓉之外仲有多D蘋果肉粒，我就覺得味道同口感都要比細Size蘋果批好(細Size的是圓形批)。我記得曾經有一段時間係有蘋果批或者雞批餐，不過衣家無咗了，單點蘋果批$14，抵食又好食。蘋果批之外我仲叫多咗個炸雞脾配薯條嘅下午茶餐，飲品就點了凍檸茶，個炸雞脾咬落去似生炸嘅，唔錯。