漢堡王 (已結業)

Burger King有时会特定既餐做优惠，例如送小食或者将个餐免费加大。最近食小华堡餐都可以免费加大，当然我会个小华堡加芝士啦。唔知点解好想食苹果批，就试下啦。小华堡虽然个包系细个，但美味依然。牛肉烤过后系好食，肉质好鲜嫩，又唔似M记咁干。而配料都唔错，微溶既芝士真系好正。但都唔及洋葱来得美味，果阵"生生"地既味令我一试难忘。薯条虽则只系普通既幼薯条，但条条都咁脆。苹果批个皮太厚啦，而且个皮太粉啦。虽然系咁，但苹果就唔错啦，起码比M记既来得酸。我觉得酸酸地既苹果先好食，唔酸既苹果就唔好叫苹果批啦。实有下次既，因为食物唔错之余，又坐得舒服。