Jacomax

营业中

休息中

朋友响上环做野, 知道呢间PIZZA好食, 今次WEEKEND黎试吓, 座位好宽阔, 我地坐窗边卡位。见到张咭片好奇问待应, 卡通人物系咪老细, 佢话系,仲好似添, 呢间餐厅啲PIZZA系老板系意大利的食谱, 再经自己改良为香港人口味, 好有心思, 好新颖, 餐牌仲有好多款野食添,先叫了个推介, 有CREATIVE既PIZZA, 店员冇介绍错, 系Gorgonzoia Cheese and Apple, 即blue cheese, 初初好惊会膻, 但店员说服后, 真系冇失望, 好特别, 面有好多片新鲜苹果, 仲起晒波浪, 好靓, 个BLUE CHEESE带出少许咸味, 刚好! 个饼底好薄, 但有质感, 唔会好干身。真系恰到好处。之后叫了Blue Mussel in weiss beer sauce, 一大盘, 好有份量, 虽然唔算大只青口, 但正因为咁, 所以好容易索晒啲汁, 仲有两块包, 可以点汤汁食, 好鲜甜味, 再叫了杯即磨CAPPACCINO, 下次真系想夜晚唻试吓呢度既啤酒, 好多款式㖞。