Triple O's by White Spot (已結業)

12月24日平安夜，唔洗番工，下昼同阿妈去咗elements。原因系成日之前买嘅团购年尾到期，所以就趁有时间去食。由于我地唔钟意饮汽水同食薯条，所以我地只叫一个餐，再加一个单售包。鸡肉汉堡同蘑菇汉堡。等一阵，店员就会送上，唔洗自己拎。鸡肉汉堡平平无奇，块鸡肉偏干；里面夹嘅蕃茄水份重，搞到个包都有少少湿。相反，个蘑菇汉堡真系好好食！个包烘过，脆脆地；用上新鲜蘑菇，菇味好重，好香；重点嘅牛肉汉堡扒牛味浓又多汁又厚身，yummy~包上面仲放咗块酸瓜，酸酸咸咸够开胃。