五指間蘭州牛肉麵

营业中

休息中

是晚出去港岛接老公放工，经过见到呢间新开嘅五指间兰州牛肉面，记得之前返大陆食过兰州牛肉面都几好味，于是乎就决定入去回味一下，估唔到都几有惊喜 😋 兰州牛肉面、蕃茄鸡蛋酱拌面主打嘅兰州牛肉面个汤非常之香牛味，又够清甜，牛肉系用咗牛腱，所以口感都好好，个汤十分之足料，加埋佢哋嘅辣油，就十分之惹味！面熟于有身，爽得嚟够弹牙 🫶🏻 至于蕃茄鸡蛋酱拌面个面就属于比较粗身嘅，咬落去口感比较实在，面身十分之挂汁，鸡蛋份量好多配埋个酸酸地大少少咸嘅酱，十分之惹味 😋 落单嘅时候仲见到有师傅喺入边拉面，唔怪得啲面个口感咁好啦 🤩孜然牛肉肉夹馍、羊肉串肉夹馍个皮非常之酥脆，孜然牛肉惹味得来又够Juicy 🤤 羊肉串就唔会太肥腻，满满嘅调味料令到个串烧非常之香口，肉又唔会烧得太干，都几正 😋甜胚子、酸奶甜胚饮落好清新，仲有淡淡嘅柠檬香味，加埋有啲胚芽喺底，好饮得来又几有咬口 🫶🏻 至于酸奶比较杰身，口感近似布甸，酸酸甜甜咁好解腻，十分之适合做饭后甜品 🤤白巧克力核桃包见到呢个甜品都几得意，包偏硬身有咬口，入边嘅馅料都好多，香口嘅核桃有淡淡的白朱古力香味，连埋个包一齐食口感几唔错，甜甜地又唔会好漏 😋