正宗蘭州牛肉拉麵 (已結業)

系尖沙咀睇完戏就系附近揾野食，连续食左几晚西餐，今日想转下口味😆见到呢间兰州拉面店几大间，店外贴既食物相都好吸引咁，就决定试下新野～牛肉拉面套餐 (配土豆丝)作为招牌菜一定系呢到呢个牛肉拉面，一定要试一试。拉面软腍弹牙，加上极鲜的汤底和牛肉，几正。同平时食开既日式拉面好唔同。套餐仲有几个特色小食选择，我地选左土豆丝。清新爽口，非常开胃。牛肉刀削面套餐 (配腐竹)刀削面比起拉面粗身，但系更加烟靱，又系另一番风味。小食方面男朋友就选择左腐竹，有些少辣味，味道同样好清新。不过我个人就更加钟意土豆丝的质感，爽口啲烤羊肉串我地叫左6串烤羊肉，超正！羊肉烤得好香，一上枱就传黎阵阵烤肉味，羊肉肉质鲜嫩弹牙，口感十足。加上正宗调味和面头的少少辣粉，令味道更加丰富。和较为清淡的汤面一齐食，好夹又可彼此中和下。价钱都好实惠！食到超饱都系得200蚊到，绝对系抵食之选。