影片
更多
2015-12-28
904 浏览
最近经常都要同班同事过海做嘢，所以多咗喺港岛揾食，今日我地就去咗兰桂坊食，我真系第一次嚟，本身以为兰桂坊只系饮酒吹水嘅地方，点知……原来都有好嘢食~泰式腌生虾 - 食泰国嘢点可以无生虾，呢个生虾真抵食，$110有咁多只，重要系好爽口弹牙，个生虾汁又好味，唔会太酸，又够辣，爽YY平时𠮶啲，成$90-100先得𠮶8只海鲜炒粉丝 - 个炒粉丝唔会太湿，好干身，味道啱啱好，亦都有好多配料，有芹菜、红萝卜、草菇、洋葱、津白油松饼 - 出面好多店都会整到成个油淋淋，真系唔系好想用手掂，呢个完全冇油淋淋感觉，热食真系好正，不过冻咗就会硬少少，所以……温馨提示，一定要衬热食~~虾酱通菜 - 唔知点解去食泰国嘢一定要叫虾酱通菜，我好钟意呢个，唔会太咸，又香虾酱味，虽然好多蒜头，但系唔会过浓，如果加个白饭，我可以用佢啲菜汁嚟捞饭 XDXD原只炭烧鲜鱿 - 永远呢啲我都觉得个汁好紧要，不过呢个就有少少太酸，但系个鲜鱿真系烧得好好味，唔会烧过头而太韧，我呢啲老人家牙唔好，好难咬，呢个绝对冇呢个问题~串烧沙嗲 - 我地今次叫咗鸡肉、牛肉，个沙嗲汁比平时食𠮶啲无咁浓味、椰汁味重，最紧要烧得唔dry，呢个系好紧要椰
泰式腌生虾 - 食泰国嘢点可以无生虾，呢个生虾真抵食，$110有咁多只，重要系好爽口弹牙，个生虾汁又好味，唔会太酸，又够辣，爽YY平时𠮶啲，成$90-100先得𠮶8只
海鲜炒粉丝 - 个炒粉丝唔会太湿，好干身，味道啱啱好，亦都有好多配料，有芹菜、红萝卜、草菇、洋葱、津白
油松饼 - 出面好多店都会整到成个油淋淋，真系唔系好想用手掂，呢个完全冇油淋淋感觉，热食真系好正，不过冻咗就会硬少少，所以……温馨提示，一定要衬热食~~
虾酱通菜 - 唔知点解去食泰国嘢一定要叫虾酱通菜，我好钟意呢个，唔会太咸，又香虾酱味，虽然好多蒜头，但系唔会过浓，如果加个白饭，我可以用佢啲菜汁嚟捞饭 XDXD
原只炭烧鲜鱿 - 永远呢啲我都觉得个汁好紧要，不过呢个就有少少太酸，但系个鲜鱿真系烧得好好味，唔会烧过头而太韧，我呢啲老人家牙唔好，好难咬，呢个绝对冇呢个问题~
串烧沙嗲 - 我地今次叫咗鸡肉、牛肉，个沙嗲汁比平时食𠮶啲无咁浓味、椰汁味重，最紧要烧得唔dry，呢个系好紧要
椰子焗咖哩海鲜 - 我觉得呢个唔错，但系同事觉得味道唔系好够，可能我钟意食淡口嘅泰式咖哩，呢个椰汁味唔会太重，我好怕啲一闻就觉得用好多椰汁煮嘅咖哩，呢个入面都有好多海鲜，有虾、鱼、青口、鱿鱼，呢个咖哩加埋油松饼真系一绝，如果叫个饭捞饭食都真系会好唔错
辣椒膏炒蟹 - 我呢啲蟹精，食泰国嘢点可以无蟹食，呢个肉蟹真系无得顶，够辣、香口，最正系走油之后，啲炸蒜头、辣椒膏痴喺蟹壳上面，啖啖辣香，正……
香芒椰汁糯米饭 - 食完正餐，梗系要食埋甜品喇，泰式甜品当中我最钟意芒果糯米饭，就算几饱都要食喇，个糯米饭好黏，不过可能因为都秋天关系，个芒果有少少酸，但系……配合埋甜甜地嘅椰汁同糯米饭，绝对系好match
张贴
