Fang Fang (已結業)

喺兰桂坊酒吧街上面嘅呢间fusion菜 意想不到咁有惊喜 今日系庆祝周年纪念 佢话带我嚟兰桂坊玩 佢一早book咗枱 入面装修劲靓 好有格调 都有中西合璧嘅感觉 用嚟打卡影相一流 望望餐牌原来系主打色中国菜 但系加入咗西方元素好有趣 咕噜虾球 咕噜肉就听得多 咕噜虾都系第一次食 只虾超巨型 而且肉质弹牙 鲜味十足加上新鲜嘅菠萝 青红椒 士多啤梨等等嘅生果 甜甜酸酸好夹 烟熏猪肋骨 猪肋骨有三大嚿分量超大 上枱时候用个盒装住 一打开全部烟熏嘅烟同香气都涌出嚟 简直系嗅觉不同视觉嘅享受 到味觉喇 佢个猪肋骨做到好冧 应该系用咗长时间嘅烤焗令到肋骨同埋猪肉可以轻易地分离 肉质软滑多汁 加上上面薄薄嘅烧烤酱好惹味 口感一流 烟熏嘅香气更加系令到成味菜升华到另一个层次 到咗今日我最期待嘅菜式烤鸭 半只分量已经好大 个皮烤到脆卜卜 油份十足 肉质鲜嫩 厨房仲会将烤鸭片成一片片 食嘅时候可以加上饼皮 韭黄 青瓜同埋烤鸭酱一齐食 可以一减油腻感 咬落去口感十足 清新唔油腻 同时又有鸭油嘅香 冇得弹 最后叫咗个抹茶雪糕 雪糕幼滑 抹茶味突出 为今餐晚餐点上完美句号 埋单九百几 可以喺中环高级餐厅到食