The China Bar

营业中

休息中

环境4分：中环兰桂坊外国酒吧feel。虽有梳化，但永远留畀熟客，我地只能坐高抬高櫈。灯光暗黄，有几部电视，其中一部系超级大电视。墙上面有龙又有凤，真系比较中国化， 睇落都几靓，所以畀四分。 卫生3分：可能早到冇乜客，感觉上都几干净，可以畀三分。 服务2分：伙记都几快过嚟，企喺你身边等你叫嘢食叫嘢饮，然后立刻收番餐牌，想睇多阵都唔得。下次叫嘢食又要再问佢攞个餐牌睇，都几麻烦，所以畀佢两分。 味道4分：1)      鸡全翼有五只，分开鸡槌，鸡中翼，同鸡翼尖，个味真系几辣，唔食得辣嘅真系食唔到，食得辣嘅就会觉得几惹味。2)       跟住个pizza，夹埋有8块加16片辣肉肠，食落几香脆，芝士味够晒浓郁，酒吧小食嚟讲算好食，所以畀佢四分。 抵食4分：大约一百蚊有杯冰冻啤酒加一款小食，喺中环兰桂坊嚟讲真系算平，所以畀四分。