影片
更多
2024-12-18
0 浏览
中环兰桂坊一带好多美食，呢晚试咗一间法国餐厅。餐厅环境优雅，装修精致，见有唔少朋友食饭及庆祝活动。晚饭以set dinner 为主，有二、三或四个course可供选择，价钱由$368- $468不等，亦可另外加钱upgrade菜式。我哋每人点咗四个course，share一齐食。薯仔大蒜汤 - 餐汤系薯仔大蒜汤，煮得非常香滑，带有淡淡嘅蒜香味，味道唔错。塔斯曼尼亚海胆多士 - 海胆非常鲜味，份量都唔少，配以香脆嘅多士一齐食，口感非常丰富。凯撒沙律 - 沙律菜非常新鲜，配以芝士粉及烟肉，好开胃嘅一个前菜。法式龙虾汁海鲜薏米饭 - 入口充满龙虾汁嘅鲜味，配以青口及虾，质素非常好。另外要赞吓个薏米饭入口好清新，比意大利饭感觉light啲。法国鹅肝牛柳（+$38）- 牛味相当浓郁，就算点咗七成熟，入口依然嫩滑。鹅肝份量亦都唔少，入口充满油脂香味，值得一试。原只海胆雪糕（+$48）- 见呢个甜品充满玩味，所以专登加钱试吓。估唔到海胆加上豆腐味雪糕，又几夹㖞。餐厅季节限定甜品系Tiramisu - 质地又滑，带咖啡同酒味，口感层次分明。另外点咗两杯Cocktail，分别系LM Chocolate
晚饭以set dinner 为主，有二、三或四个course可供选择，价钱由$368- $468不等，亦可另外加钱upgrade菜式。我哋每人点咗四个course，share一齐食。
薯仔大蒜汤 - 餐汤系薯仔大蒜汤，煮得非常香滑，带有淡淡嘅蒜香味，味道唔错。
塔斯曼尼亚海胆多士 - 海胆非常鲜味，份量都唔少，配以香脆嘅多士一齐食，口感非常丰富。
凯撒沙律 - 沙律菜非常新鲜，配以芝士粉及烟肉，好开胃嘅一个前菜。
法式龙虾汁海鲜薏米饭 - 入口充满龙虾汁嘅鲜味，配以青口及虾，质素非常好。另外要赞吓个薏米饭入口好清新，比意大利饭感觉light啲。
法国鹅肝牛柳（+$38）- 牛味相当浓郁，就算点咗七成熟，入口依然嫩滑。鹅肝份量亦都唔少，入口充满油脂香味，值得一试。
原只海胆雪糕（+$48）- 见呢个甜品充满玩味，所以专登加钱试吓。估唔到海胆加上豆腐味雪糕，又几夹㖞。
餐厅季节限定甜品系Tiramisu - 质地又滑，带咖啡同酒味，口感层次分明。
另外点咗两杯Cocktail，分别系LM Chocolate Martini 及 LM Rainbow ($158@)。Chocolate Martini 带浓浓嘅朱古力味，面头仲加咗一层朱古力粉，同Martini 形成强烈对比。
Rainbow则用上较多嘅果汁，所以比较容易入口，饮落慢慢会饮到淡淡嘅Martin。
呢间法国餐厅布置有情调，食物质素唔错，适合朋友聚餐或庆祝活动。
张贴
