影片
更多
2019-07-20
59 浏览
喺中环放工想食泰国菜，又唔想搭地铁去咁远，就嚟咗Cafe Siam。呢间餐厅成日嚟，中午嘅午市套餐比较少选择，反而晚市做得唔错，单点主菜会比较好味，价钱又唔贵。餐厅有两层，枱与枱之间阔落，坐位又舒服，系朋友聚会唔错选择。餐厅唔会主动提供水，如果要嘅可以每人$8 任饮 still water 或 sparkling。我地点左小食拼盘-大份,包括有香叶鸡，虾饼，春卷和串烧。新鲜整起，好香口，虽然份量大但系我哋一下子就扫清光。另外点左四个主菜，分别系烧鸡，泰式烤鲈鱼，椒盐炸软壳蟹，和酱烧猪肋骨。烧鸡分量大，调味入味，就算鸡胸都唔会鞋。呢个系必点。另外嘅泰式烤鲈鱼，味道比较淡，要点旁边嘅辣汁，呢个就普通。猪肋骨好淋，又入味，啲汁好好送饭。至于个炸软壳蟹，椒盐味好出，味道唔错但唔算好特别，同埋可能因为小食拼盘已经好多炸嘢，呢个觉得几干身，可能转叫咖喱或者菜，会比较好总括来讲食物质素唔错，环境坐得舒服，又唔嘈。位置喺兰桂坊中心，食完饭再饮杯野都得。😊
餐厅有两层，枱与枱之间阔落，坐位又舒服，系朋友聚会唔错选择。餐厅唔会主动提供水，如果要嘅可以每人$8 任饮 still water 或 sparkling。
我地点左小食拼盘-大份,包括有香叶鸡，虾饼，春卷和串烧。新鲜整起，好香口，虽然份量大但系我哋一下子就扫清光。
另外点左四个主菜，分别系烧鸡，泰式烤鲈鱼，椒盐炸软壳蟹，和酱烧猪肋骨。
烧鸡分量大，调味入味，就算鸡胸都唔会鞋。呢个系必点。
另外嘅泰式烤鲈鱼，味道比较淡，要点旁边嘅辣汁，呢个就普通。猪肋骨好淋，又入味，啲汁好好送饭。
至于个炸软壳蟹，椒盐味好出，味道唔错但唔算好特别，同埋可能因为小食拼盘已经好多炸嘢，呢个觉得几干身，可能转叫咖喱或者菜，会比较好
总括来讲食物质素唔错，环境坐得舒服，又唔嘈。位置喺兰桂坊中心，食完饭再饮杯野都得。😊
张贴
