蘭桂坊車仔麵 (已結業)

同朋友happy hour 完见有少少饿，就走左过隔离间兰桂芳车仔面到医下肚。太耐冇落过去都唔知开左间车仔面，个位置又开得几好，饮完行二步就食得。价钱系中环真系平到喊，好过要行咁远去去翠x食。佢都几多选择，我就饮到顶顶地叫左菜底加鱼腐，萝卜，五花腩，再叫左几个小食share.唔知关唔关饮完酒时，特别开胃同觉得好好食。我拣左麻辣汁，个味道就有d似食麻辣烫咁。萝卜好够味同好腍，鱼腐亦都系鱼肉较多个款，有d餐厅鱼腐真系唔得，呢间有咬口又唔会好粉。另外一定要叫五花腩，佢真系好似韩烧个种，饮完酒最钟意食肥野🙊小食方面椒盐烧卖一定要叫，好好食，佢有少少炸烧卖感觉，外面好肥，有少少干食但唔系难食个种，入面仲系好软熟，再加上出面椒盐粉，好好食👍🏻1000000个赞👍🏻其他鸡软骨都唔错，呢间小店咁多食物都好有水准，价钱平，味道好，酒前酒后医肚好地方。