霸嗎拉麵 (德己立街)

营业中

休息中

作为拉面爱好者，我好钟意explore香港好味嘅拉面店。前排约左朋友去兰桂坊饮嘢，见时间尚早加上有啲肚饿，就决定试下呢间「霸吗拉面」！餐厅装修几有日本风，虽然唔算好阔落但喺中环黎讲都算好舒服。呢度拉面选择颇多，配料鸡肉猪肉都有。我当日试左嘅「鸡叉烧味玉鸡白汤拉面」（$95）卖相一流，份量十足。鸡汤好香好浓，鸡叉烧好juicy，粒蛋都蛋香十足。怕唔够饱，所以额外加左以下小食：粟米粒（$12）好大碗，粟米好甜，加埋落个拉面好好味！最紧要系$12呢个价钱非常抵。煎饺子（$35）卖相同样吸引，煎得热辣辣几过瘾！食得咁heavy，配埋杯日本绿茶就最perfect啦！