Kyoto Joe (已搬遷) 新店位置

小三之前已经话嚟试，我唔得闲所以冇嚟，今日又满足佢愿望嚟到喇由于订咗位，上到门口，个知客话冇我地资料，要查一查先......点知啱啱有两个客人离开，佢就顾住同客人吹水，而无视我地，之后客人搭䢂离开，小三用手机比个通知佢睇，佢先话系，我冇睇到。安排好坐位之后，我差唔多11点先食完早餐，一个 set 应该食唔起，小三又话食唔到咁多，不如散叫啦。咁全部都系小三话事，佢发版。京都寿司拼盘，真系冇咩特别，只有特别贵，同埋对虾特别干。煎饺子，皮唔算脆之余，馅料入面只系食到韮菜味，馅入面包住咩食唔出，仲要干身冇汁。烧银雪鱼，炭咁样㖞，仲要系微暖嘅添。早知一餐高级日本料理系比鬼同游客食，我地就宁愿叫个 set 食，就算食唔晒，感觉上都冇咁笨呀。