鴻運泰國美食 (已結業)

兰桂坊除左西餐之外，原来仲有间泰国餐厅。平时行过有条横街见到有人可以吸水烟，再行入d转个湾就见到，就坐低试下。有露天位，但我地当然系拣室内卡位，可以坐得舒舒服服。食亲泰国菜必点生虾，碟虾上枱果阵好有惊喜，首先有成十只虾，够晒多，而且只碟都好靓。生虾新鲜爽口，个汁仲要唔太辣，我食得到，太好喇！再黎个泰式小食拼盘，有四款小食，虾饼最好食，外层脆卜卜，入面嘅虾肉好弹牙。春卷都好食，最钟意入面有我至爱嘅粉丝，春卷皮炸得够脆。香叶包鸡嘅鸡肉就干左d。炒椰菜苗望落绿油油，食落够蒜香味又够爽口，炒得好。粉丝虾煲d虾味道一般，最正系够多粉丝，我真系好钟意食粉丝。