蘭芳園

营业中

休息中

今日中午阿妈话佢系中兰芳园附近买野，叫我有时间就过去同佢食午饭，妈咪叫到，边敢唔听啊，所以都系赶过去同佢食饭，食完顺便可以系呢边办事，兰芳园老店系好有历史嘅一间店，所以环境一般，都系比较怀旧，但老字号通常都会有几个出品可以嘅菜色。奶油猪仔包，两边都煎得有D硬，好脆，涂上炼奶，炼奶嘅香味再加脆脆嘅口感，唔错。菠萝包，酥皮做得好好食，大块大块咁的，食果时唔会掉得周团都系，包身做得好软，又香又软绵绵，都几好食。以前系呢度食嘅猪扒包都好好食，但今次卖相就已经失色喇，味道感觉比以前嘅要差左，唔知系咪个师傅今日心情唔好，整到个猪扒咁样。奶茶就一定要试下喇，我最中意呢度嘅奶茶，口感好香滑，茶味又浓，适度适中，连蔡澜都赞呢度嘅奶茶好，所以过嚟嘅朋友仔一定要试呢个。