餃子縣餃子專門店 (已結業)

上次食过一次，觉得好味，今晚系旺角睇完戏，唔太饿又想食少少野，所以黎食饺子。店面虽然细，用白色同浅色环境加光猛既灯制造空间感，坐落舒服D。枱细，所以就筷子、碟、餐牌放系层架，方便食客。为免袋撞袋，枱底有个小钩比人挂袋。个碟分两格，一格放饺，一格放醋。净系叫左一碟冰花「饺子乐园」。即叫即整，所以都等左成五分钟。上到枱，饺子热辣辣、个冰花底脆卜卜，D饀几足，几鲜味，正！十只饺，只只唔同味，岩晒有选择困难症既朋友。日式紫菜猪肉饺，紫菜味原来好衬饺子，出面未食过。香菇粟米猪肉饺，粟米好甜，好味。三重芝士猪肉饺，一咬落去，喷汁，整污糟左条裙，下次食要小心D。平时都食到少少辣，但个泰式香辣猪肉饺对我黎讲，太辣，食唔到。一间小店，做到咁多心思，好有诚意。下次要黎试下小食。