東海薈 (北京道1號) (已結業)

拣咗东海荟帮我妈庆祝生日同家人饭聚，系2020年一个非常错嘅决定，招呼好渣！！食物仲差！！以下内容并冇加多减少，先讲招呼，每次茶壶要加水都要我哋自己出声叫，全场只有6至7成枱有客坐，人手睇到系绝对足够，但啲楼面除咗会自行将每碟𩠌菜放落枱之外，其他事项都系要叫先会做，食物方面，我哋13人叫咗个鼠年欢聚宴套餐，够食冇加𩠌，除咗碟头抽煎海虎虾比较好之外，其他嘅...............条鱼蒸得好老，啲肉好(孩); 碟鲍鱼好硬身，食擦胶一样，已经忍住冇出声照食，最离谱嘅系糯米饭 & 红豆沙汤圆，糯米饭上枱后，放入口发现只系暖暖哋唔热嘅，即时同楼面讲，佢嘅回答系: 冇理由㗎，啱啱响厨房攞出嚟，人哋隔离枱都冇你哋咁烦，我都好客气咁叫佢拎入厨房再炒热返; 红豆沙汤圆，我妈咬咗一啖汤圆即刻叫唔好食住，话汤圆未熟，同时亦有家人咬咗都系话未熟，我忍唔到啦，要求楼面叫经理过嚟，我将有问题嘅都讲出嚟，话已经忍无可忍啦，点做生意，经理亦只系好官腔口吻回应: 唔好意思，我帮你哋换过新嘅红豆沙汤圆，我唔俾佢哋收走食唔到嘅红豆沙汤圆，要求佢哋攞新嘅出嚟先好收走，最后埋单4千7，食落背脊骨！唔会唔会唔会再帮衬呢度！