麵麵店 (已結業)

原本想去食车品品，但因为门口嘅人龙而却步，因而转投不远处新开嘅面面店。受到明星效应嘅影响，对呢间小食店嘅食物质素满心期待。八点几去到，已经即刻有位坐。装修有别于一般嘅车仔面店，环境尚算舒适，唔会太逼。order咗一碗车仔面，面要咗赞岐乌冬，𩠌要咗猪爽肉、卤水鸡亦、牛柏叶同山根。汤底好咸，乌冬分量好少，除咗鸡亦卤得尚算入味之外，无咩特别。仲order咗一碗生菜鱼肉，等咗成半个钟先有得食，除左鱼肉尚算弹牙之外，又系一碗非常非常普通之作，仲要催咗两次先上！饮品方面叫咗一杯杞子菊花蜜，可以讲系普通菊花茶一杯！每一张台都会有一盅辣菜脯，好重蒜味，好辣，但相比之下，车品品嘅辣菜脯真系好食好多。服务方面，真系好唔得。除左人手严重唔够，成间铺头得三个侍应之外，帮我地落单个阿姐落单速度好慢，要不断慢慢重覆俾佢听，最尾仲要落漏单！！！作为一间车仔面店，上菜速度极慢，仲要催咗几次先上齐，真系唔会再帮衬呢间。