8 RECIPES (已結業)

虽然价钱系筲箕湾算偏贵，但系经过几次见到都有唔少人食，谂住可以一试，点知......就伏了首先，门口餐牌个牛扒系$168，入去坐低用QR落单唔知点解系$188，仲要写加一，公众假期再加一，噤咪成$200得个扒，仲要唔系餐，连饮品都无杯。我都算，佢个扒好食的话都值得。之后足足等左45分钟先到，黎到见到......我个牛扒配薯菜个摆盘系好靓，但系上面得3小块好薄嘅牛肉同1小球薯蓉！！可能我见识少，提起牛扒，系我脑海出现嘅系起码都有手掌噤大块，同埋有少少厚度。但系佢嘅牛扒，真系去韩烧果种3片肉，连切都唔使切，1叉1口，3啖食完，第4啖食埋个薯蓉。我食量算正常，茶记一个饭未必食得晒。呢4啖我食完都无2成饱，食完即刻再去买野食。同行朋友叫牛扒配饭，多2-3片肉，但系每片又细块左。45分钟系咪就系用左40分钟摆盘份量少未必系问题，讲埋味道，佢d野系无乜味道，牛肉无牛味，得d雪藏味，想揾个酱去掩饰下都无。另一位朋友叫左个羊架，份量系正常，有3旧无切开嘅，听佢讲唔膻，但系都系得雪藏味。埋单最后只系加一，已经唔想问点解，反正唔会再食。