影片
更多
2019-10-29
205 浏览
铺头细细, 收铺前三十分钟依然坐满人, 店员黑面, 问问题唔多想答, 勉强用最少字回覆或者扮听唔到. 雪糕定价好高, 名气最大应该系金箔雪糕, 但金箔其实无味, 畀成旧水食无味野唔乎合我价值观, 我又无兴趣影相呃like, 完全无谂过食. 依我所见, 成间铺得三只味雪糕──牛奶、抹茶同赤肉蜜瓜, 本来仲有士多啤梨白朱古力雪糕, 不过当日无卖.得三只味就试哂三只, #北海道赤肉蜜瓜雪糕# 个味清得济, 甜度可以, 但无蜜瓜嘅浓味, 唔系睇餐牌都唔知呢只系蜜瓜味, 只系一种清清地嘅甜味, 连插住𠮶件蜜瓜都偏淡口, 零特色. 呢个唔系北海道赤肉蜜瓜雪糕, 其实系畀左钱食就肉赤雪糕🤣#源自日本京都宇治抹茶Mix雪糕# 个名真系咁长强调出处, 成间野定位清晰一致虚荣到底👏 呢个系双拼口味, #源自日本京都宇治抹茶雪糕# X #北海道牛奶雪糕#. 抹茶味浓到苦, 不过呢个未必系缺点, 因为自己本身唔食抹茶呢种苦, 正如有人唔钟意啤酒咖啡觉得佢苦, 但我钟意, 所以对其他人黎讲呢个抹茶味可能好出色. 牛奶雪糕真系正嘅, 佢比老麦啲软雪糕甜, 但呢种甜系显得佢更浓郁. 浓味按理推测应该系黎自牛奶, 但
北海道赤肉蜜瓜雪糕
$68
39 浏览
0 赞好
0 留言
源自日本京都宇治抹茶Mix雪糕
$42
33 浏览
0 赞好
0 留言
如果今次黎只系食北海道牛奶雪糕我都只系会畀中评, 一来卖得唔平, 二来店员黑哂面, 但系今次食埋北海道赤肉蜜瓜雪糕太差又贵, 加上黑面店员, 劣评走唔甩.
张贴
