Amber’s Table (已搬遷) 新店位置

自从上一手间西餐折左之后路过几次都冇入黎,因为佢冇任何menu摆喺门口,咩价位都唔知,点会盲中中咁入直到有次大人行过见到终于有个menu睇下先决定入黎试一试一行入去唔够两步就系扑鼻而来嘅厚重油烟味被安排坐喺开放式厨房对出打斜摆𠮶d枱,心知不妙,至于点解就留返最后先讲香草面包,暖暖地,净食又得,加油醋亦得想叫个小食,又唔想热气,试下个mini burger够的式,豪气d可以两啖食哂一个,本身入面夹左红姜,唔喜欢食姜嘅朋友要留意我就几钟意呢个组合,咁样食就唔会觉得油腻,份量点到即止旧肉juicy到一咬就爆哂汁,几惊弹落自己件衫度呀海鲜阔面,我以为系一块块做成千层𠮶种,见到英文系lasagna丫嘛,点知系变成一pat野味道其实都冇乜野,个汁唔错,虾同带子都好大,只系d面会叠埋哂,总之就一饼野鳕鱼唔系好大件,都系两三啖嘅份量,煎得够香menu上面写住伴番茄清汤,hm......可能我见识少,因为喺一间法式私房菜餐厅食到个番茄清汤真系清汤黎嘅所以呢度都系当佢汁咁点就算,好浓,真系当汤饮应该受唔住最后讲返点解坐呢张枱系不妙?因为唔止路过出入嘅客人会撞到我张櫈,连店员甚至疑似老板𠮶两公婆都系不断地撞