蚊蚊豬老火鍋 (已結業)

话说朋友仔想约埋围炉聚一聚吹下水，无意中发现呢间位于深水埗既蚊蚊猪老火锅，仲要系放题！一于就试试佢！一入到去，好热闹，气氛正！座位阔落～ 呢间火锅店原来有分店，咁下次可以试埋另一间！除咗火锅，仲有鸡煲！正呀！一开始同店员拣好汤底，就再落单～ 我地拣咗药膳鸡汤底，个锅一黎到就劲香～闻到都口水流！连汤底都好足料！好多大大件嘅鸡！果然真材实料！陆续啲火锅配料都送到～ 我地小胃族就简单叫左一盘牛拼盘！哗 真系超靓 大大盘！件件牛啲雪花都好靓！仲要好贴心地标签晒咩部位！太正了吧！当中包括 极上牛肩嫩肉、牛板腱、封门柳 同 牛舌！另外我哋仲叫咗脆肉鲩！仲有啲熟食可以叫，我哋就叫咗唔同种类嘅串烧，仲有啲开胃小菜，例如麻辣皮蛋～ 估唔到仲有三文鱼刺身添，估唔到都几新鲜！打边炉当然要有炸鱼皮啦，炸鱼皮都相当脆口，完全唔系林晒既隔夜炸鱼皮～一落单 过几分钟啲嘢食就送到，简单超有效率呀！全场嘅嘢饮都系任饮，有一大个雪柜可以任拣～ 最后仲叫埋个柚子雪糕添！真系好，无意中又发现到呢间蚊蚊猪火锅，袋定喺袋，之后谂食乜又多个选择啦！