蛇王兄 (已搬遷) 新店位置

刚才系旺角荣园食左碗垃圾牛筋腩面后，同强国人战斗左粒几两粒钟，野又买唔到，两手空空 ﹗嬲嬲地返上水食多碗蛇羮顺顺条气，再返屋企休息，算鬼数 ﹗蛇羮细，天气一转冷，蛇王兄即时客似云来 ﹗好 full 啊，好采仲有一个位啫。蛇羮去得快都持别好味架㖞 ﹗热辣辣出晒烟，又唔会话放得耐变同杰挞挞，依家厚厚刚刚好，fit 晒。味道香浓带甜，夹杂住药材既清香，加上蛇肉同大量配料，超水准表现 ﹗蛇汤细，真系无咩几何饮蛇汤会有咁多汤渣，饮左几十年蛇汤都系净汤架㖞，有渣都系第一次 ﹗新黎依位瘦呀姐一定系好钟意食汤渣定喇。味道清甜可口，坚好味 ﹗今日好病，喉咙痛又好似有少少感冒，专登饮多碗大龟汤。药材味道平均，厚薄得宜，好味道 ﹗佢地话清热解毒麻，试试无妨，好过走去排诊所，饮完再去买外卖今晚做宵夜。