蛇王兄 (已搬遷) 新店位置

龟苓汤，第一次饮，点解咁好饮既？又香又浓又清甜㖞，比佢地既五蛇汤更美味 ﹗蛇油鸡饭，一见到比鸡翼就好唔开心喇 ﹗唔比鸡髀都比鸡胸我啦，骨杉杉讨厌 ﹗上一次食蛇油鸡饭系几年前大埔蛇王如，佢地个汁浓但较水。依度既蛇油汁又厚又浓，一放上枱已闻到香气 ﹗晶萤通透，热辣辣捞饭食，太好味喇 ﹗虽然白饭质量仍有好大进步空间。依种既香甜唔知点去形容，总之令到我有想叫多碗鸡饭既冲动。蛇油既神秘咸香越食越想食，再捞埋自家姜葱油，不得了 ﹗鸡应该只系普通既白切鸡，虽则只系鸡翼，肉质都好嫩滑，打入灵魂蛇油，非常美味 ﹗师傅斩鸡翼不太好，斜斩骨头好尖好危险啊 ﹗依个饭比起佢地既蛇羮或糯米饭好食数十倍啦 ﹗大力推 ﹗蛇油鸡饭一碗配龟苓汤套餐，多谢 HKD55 ﹗转一碟都只系多 HKD5 蚊，但怕食得太饱呢 ﹗我要留肚再食其他野麻。