蛇王易 (已結業)

相信你一定知道失而复得嘅感觉，但如果失而复得之后，你仍然唔识得珍惜，咁真系无话可说喇！曾经喺铜锣湾开业多年，未食过都一定经过嘅蛇王二，原来由原班人马喺湾仔重开，新开嘅舖头重新命名为蛇王易，餐牌同以前大致一样，除咗蛇羹，仲有糯米饭同烧腊饭，够晒港式地道。秘制菊花蛇羹有人话「秋风起，最啱食野味」，但喺香港，蛇系唯一可以合法食到嘅野味，所以每年嘅秋冬季节，香港人就钟意食蛇宴补身暖胃。蛇王易嘅菊花蛇羹材料十足，汤色清澈但味道浓郁，蛇肉比例多，唔腥又够鲜甜，浓稠适中，味道好有层次。蛇羹表面放上几片有清肝明目功效嘅菊花，又可以增加蛇羹的清新口感。淮杞炖竹丝鸡汤A姐唔食蛇羹，所以就叫咗一个炖汤俾佢，炖汤原汁原味，够晒足料，入面有一大旧乌鸡鸡胸肉同乌鸡鸡全翼，当然仲有唔少淮杞啦！炖汤无加味精，汤色清澈池，味道鲜甜。腊味糯米饭冬天除咗食蛇羹，又点少得糯米饭呢位朋友呢？糯米饭有好多腊肉同虾米，糯米饭索晒佢哋嘅香味，油香十足，加埋花生一齐食令口感大大提升。我哋特别加咗半条腊肠同半条脆皮膶肠，脆皮膶肠系呢度嘅名物，个皮真系超级脆，而且肝味浓郁，爆juicy。脆皮烧肉配烧鹅饭烧腊饭亦系呢度嘅代表，烧肉一层肥一层