蘇媽.蘇媽馬來西亞茶餐室 (已結業)

由于晏昼出去做嘢，所以同同事去咗深水埗区食饭，去到已经系2:00 ，所以少咗好多人排队，大概等左10分钟就入得。餐厅唔算大间，但系食物选择都唔少。槟城亚参叻沙苏妈苏妈嘅招牌菜，一想已经闻到好香，配左一碟虾酱。喺未放虾酱之前，试咗一啖汤都几鲜味，落咗虾酱之后变得更鲜味，。（P.S. 呢啲系马来西亚虾酱唔同香港嘅虾酱㗎）面底都好好味，有啲咬口，配料包括有生菜菠萝洋葱，夹埋一齐食都几新鲜，如果配有猪肉嘅应该都好好味。槟城白咖喱油面第一次食白咖喱嘅汤面，白咖喱味冇想像中咁浓郁，亦都唔算太辣，相比其他属于较清淡嘅汤底。猪红都新鲜，冇怪味;鱼蛋都弹牙嘅。整体不过不失。槟城福建虾面我认为呢一个系最好味嘅，因为汤底鲜甜，虾同埋猪肉都好好味，够入味。而且个面会落去都好夹，难怪系招牌菜。咖央多士多士烘得啱啱好，脆卜卜，入面嘅馅适中，唔会太甜，推介大家去试吓呢一个多士。白咖啡同奶茶都系第一次试饮马来西亚嘅白咖啡，咖啡味唔算好香，系偏甜嘅咖啡。奶茶都唔错，茶味香浓。整体都唔错，下次可以试吓肉骨茶先！