蛇王二 (已結業)

老婆唔敢食蛇，今晚老婆约咗人，我梗系自己一个走去叹蛇羹啦……蛇王二喺铜锣湾旺区,所以经常都人山人海要排队至有得食。可能今日天气转热，所以少咗人排队， 今日我有运行唔使等位就有得食喇……蛇王二除咗有蛇羹之外，当然仲有各式各样的炖汤和烧味。 其实呢度啲炖汤一啲都唔差，不过如果有得拣就梗系拣食蛇羹啦！！！今日我叫咗个蛇羹配熏蹄白切鸡髀饭， 因为做完运动好肚饿，今日仲要食碟上加油菜， 简直系超开胃套餐……蛇羹我咁讲系全港岛区最好食， 所以价钱偏高但依然客似云来是有道理的！ 蛇羹食料丰富 食得出有瘦肉有 、木耳、冬菇、蛇皮、蛇肉等等， 分配啱啱好再加脆脆， 好味到不得了！！！至于熏蹄切鸡髀饭亦都系我呢度嘅最爱， 熏蹄有微微酒香再加少少醋好好食, 至于今日嘅白切鸡髀不是这里最好水准， 但已经比不少食店好， 我钟意食白切鸡原因系好容易就食得出有冇鸡味，高低立见！最后埋单差唔多130蚊 ，坐得又唔系好舒服 ，其实我觉得价钱偏贵少少，但系因为个蛇羹实在太好食，所以我仍会继续帮衬！