影片
更多
2022-01-16
504 浏览
💝玛姬皇后而家凑得掂屋企两只化骨龙🦖，终于咇到啲时间回复自由身出返黎饮饮食食喇。📌难得有机会出黎食野，熊妹紧系揾啲人气爆登的餐厅同玛姬皇后试下喇。呢排出名主打滑蛋多士的《E FOR EGG》咖啡小店位于大围，都算系偏门少少的地方，可以一试又可以发掘下新地方。📌其实位置真系有啲偏远，距离大围火车站有一段距离，仲要系一堆车房中间，可谓鹤立鸡群。📌主打当然系人气滑蛋盒子吐司🥪，想饱肚啲仲有定🍱食，净系吐司唔够喉？仲有小食🍢同甜品拣🍰，咖啡小店黎讲款色都算多。📌饮品就紧系有各款唔少得的冲调咖啡☕️同茶包茶，另外仲有冲调特浓朱古力🍫，抹茶鲜奶🍵，焙茶鲜奶，黑芝麻鲜奶。📌店舖小小，枱数得几张，难怪坊间传闻一等就要等一个钟以上，熊妹今次一点到，等左10分钟就入到，真系好好彩。香蒜杂菌黑松露拉丝芝士盒子吐司，$65有熊妹在，即系有港女恩物在，黑松露炒蛋就系其中一样喇。吐司盒子装满爆满的黑松露炒蛋，黑松露芬香扑鼻，夹杂同黑松露好夹的杂菌，滑蛋炒得熟透，系实口，唔算好滑溜，蛋味重，就系好典型的黑松露炒蛋。吐司有涂上牛油煎香过，食落口脆脆地重牛油味。伴碟仲有少少沙律菜同几条炸蕃薯条，份量小小的，衬返份量唔大的
📌难得有机会出黎食野，熊妹紧系揾啲人气爆登的餐厅同玛姬皇后试下喇。呢排出名主打滑蛋多士的《E FOR EGG》咖啡小店位于大围，都算系偏门少少的地方，可以一试又可以发掘下新地方。📌其实位置真系有啲偏远，距离大围火车站有一段距离，仲要系一堆车房中间，可谓鹤立鸡群。
📌主打当然系人气滑蛋盒子吐司🥪，想饱肚啲仲有定🍱食，净系吐司唔够喉？仲有小食🍢同甜品拣🍰，咖啡小店黎讲款色都算多。
📌饮品就紧系有各款唔少得的冲调咖啡☕️同茶包茶，另外仲有冲调特浓朱古力🍫，抹茶鲜奶🍵，焙茶鲜奶，黑芝麻鲜奶。
📌店舖小小，枱数得几张，难怪坊间传闻一等就要等一个钟以上，熊妹今次一点到，等左10分钟就入到，真系好好彩。
香蒜杂菌黑松露拉丝芝士盒子吐司
$65
8 浏览
0 赞好
0 留言
有熊妹在，即系有港女恩物在，黑松露炒蛋就系其中一样喇。
吐司盒子装满爆满的黑松露炒蛋，黑松露芬香扑鼻，夹杂同黑松露好夹的杂菌，滑蛋炒得熟透，系实口，唔算好滑溜，蛋味重，就系好典型的黑松露炒蛋。
吐司有涂上牛油煎香过，食落口脆脆地重牛油味。
伴碟仲有少少沙律菜同几条炸蕃薯条，份量小小的，衬返份量唔大的主食。
金沙软壳蟹三文治鱼𫓦海鲜沙律吐司盒子
$108
9 浏览
0 赞好
0 留言
有玛姬皇后在，即系有贵价食物在，软壳蟹就系其中的挚爱。
炸软壳蟹🦀有成只，绝对唔欺场，酥炸好脆，蟹肉蟹脚蟹壳都有齐，好够份量。面头仲有几粒三文鱼𫓦，粒粒新鲜，一啖即爆咸咸的鱼𫓦汁，另外仲有啲蟹肉丝，系一款好滋味的海鲜吐司。
招牌奶盖咖啡
$48
11 浏览
0 赞好
0 留言
熊妹最钟意试招牌菜，呢款咖啡打响名堂， 一定要试喇。
非常特别，奶盖切合鸡蛋🥚主题，造成荷包蛋造型🍳，好丰厚的奶泡层，面头铺上朱古力粉，下面系冻咖啡，然后底层系牛奶🥛，可谓多重口感多重滋味，冻饮都好重咖啡味，再混合埋厚实的奶泡一齐饮，咖啡的浓味混合忌廉奶泡的甜味，系非常另类的咖啡饮法，真系好特别，几好饮，果然系招牌菜，绝对值得推介。
焙茶鲜奶
$38
18 浏览
0 赞好
0 留言
玛姬皇后话好耐无饮过焙茶，认真要试下。
焙茶茶味浓，有淡淡的牛奶味，心型拉花做得好好，有多层心型，绝对唔马虎。
焦糖鸡蛋布丁吐司盒子
$60
6 浏览
0 赞好
0 留言
最后，食完咸食都要食个甜品先美满的。
今次系鸡蛋布丁🍮夹系吐司盒子入面，鸡蛋布丁滑溜，侧面有洒上焦糖，甜度适中，为呢餐吐司盒子划上完美句号。
📌小店来说，以鸡蛋为主题的食物质素同款式都几突出，不过限时进食就失去左咖啡店的休闲，希望小店可以保留咖啡店的舒适感同自由。
张贴
