たまご園 (德福廣場2期) (已改名) 查看

好想试呢间“蛋”好耐,今日终于去试, 入去被安排坐系店舖的旁边位置, 我同朋友表示呢个位好热无冷气, 估唔到店员有留意我哋对话, 主动提出帮我哋转坐店舖中间位置(冷气风较大较凉), 店员细心留意客人所需, 服务值得表扬。 自己扫code 落Order, 食物都算好快送到客枱上, Order左以下食物:- 吉列豚滑蛋丼蛋味好香, 加埋饭一齐食好滑, 吉列豚已经唔脆, 但猪扒肉松软。 -铁板芝士鸡汉堡餐有3个汁简, 我简香浓烧汁, 将生蛋连烧汁连饭搅拌一齐食, 唔错; 块鸡汉堡中间流心芝士, 唔怪之得要用铁板上 , 味道好正。 - 鬼马爆眼 呢杯系万圣节期间限定, 系西柚爆炸糖梳打, 仲有两粒龙眼+黑珍珠, 加个南瓜牙签做装饰, 好有万圣节气氛。