Red Rice 米飯主題餐廳 (億利工業中心)

营业中

休息中

八年前曾经短时间住过长沙湾，当时好钟意去楼下间 Red Rice 食嘢，因为价廉物美，性价比高。估唔到八年后 Red Rice 成为咗烧山集团嘅其中一员😂。呢度嘅 menu 选择好多，记忆中佢嘅蛋包饭几好食，所以今次就叫咗个巨人汉堡蛋包饭配黑椒汁。碟饭一上枱，果然好 “巨”：长型嘅碟分成三部份，左边系厚切汉堡扒，中间系蛋包饭，右边就系沙律菜，斋睇都觉得好丰富🤗。味道方面，沙律菜虽然系普通货色，但尚算新鲜，配埋胡麻酱汁，几开胃；蛋包饭只蛋炒得嫩滑有蛋汁，唔错👍，值得一赞嘅系入面啲饭底用咗茄汁嚟炒，酸酸甜甜，味道唔会寡；至于块汉堡扒都几大块，味道正常，配埋黑椒汁，送饭一流😋。个饭真系好大碟，食完之后饱到上心口😆，所以女士帮衬嘅话，可以考虑叫少饭，咪做大嘥鬼。