生原創(蛋包飯) (已結業)

今日约左朋友系佢屋企附近食饭，依度附近选择多的是，我地最后拣左蛋包饭，因为见几吸引同几多其他不同款式既食物叫，同埋依度既蛋包饭系餐厅既卖点主打。入座时谂住要等一阵位，因为见店内座位唔算好多，地方细细咁，但店员竟然话有位，原来佢带我地到店内后座位置，入面仲有间小房可容纳十至十二人。店内装修未算新亦唔旧，具有日本居酒屋既风格，令客人都感觉系日本既餐馆进餐。餐牌上除左蛋包饭之外，有串烧、饭、面、前菜、小食、刺身，真系包罗万有，如想落单或有任何需要，房内有个按钮铃可叫店员过黎架。我地三个女仔叫左:冬阴公蛋包饭: 食落有少少辣，蛋包住香浓冬阴公味炒饭，配冬阴公汁，都几开胃秘汁鳗鱼蛋包饭配忌廉芝士白汁: 浓郁既秘制汁同粒粒既鳗鱼炒珍珠米饭，饭粒口感烟韧，每啖饭用蛋包住，配芝士忌廉白汁几好味炸芝士无骨鸡翼: 新鲜炸好热辣辣咬一啖，入面好多汁，芝士仲有流出黎，好好食蟹脚沙拉: 配日式沙拉汁，味道普通，蟹柳条份量都算多另叫左两杯巨峰梳打，解渴至紧整体上，食物种类好多，主打蛋包饭味道都可以，我估转做糖心蛋包饭会更加突出同令蛋包饭既口感更惊喜