影片
更多
2021-05-06
2953 浏览
蛋挞不嬲都系香港人下午茶嘅美食，因为一件热辣辣新鲜出炉既蛋挞，酥皮松脆，蛋浆滑溜，加上一杯热奶茶，就可以抵销港人半日嘅辛酸，但一件普通嘅蛋挞，点可以满足到嘴刁嘅香港人，因为皮蛋挞非常考功夫，要做到外层松化、蛋浆软滑既酥皮蛋挞谈何容易。最近有间好受欢迎既茶餐厅，原因系因为佢地既酥皮蛋挞。金园茶餐厅系位于长沙湾工业区既一间旧式茶餐厅，平时食客都系街坊多，不过可能因为疫情，香港人无得去旅行，只可以专心一意系香港揾美食，最近社交平台发起一个香港蛋挞关注组，将各大茶餐厅嘅蛋挞比较，有网民将呢间金园茶餐厅嘅酥皮蛋挞放咗上去，引起热烈嘅关注而爆红，蛋挞厚得黎又松化既卖相，吸引左好多蛋挞迷过黎帮衬，高峰时期要排足45分钟先买到，由此可见佢有几受欢迎。金园茶餐厅其实已经长沙湾开业二十几年，系1998年开业，系家庭式经营，呢家由第二代既次女接手。第一代店主做法就系贵精不贵多，所以餐牌剩系得两页纸，款式唔多，不过茶餐厅要有嘅佢都有，当中猪扒烩意粉最出名，因为入面既秘制黑椒系前店主拜师学习，黑格豆要亲自去上环海味店挑选，对食物非常执著。特别一提每人最低消费$19，所以净系食一个蛋挞唔够。当日系红日去，大概下昼
蛋挞不嬲都系香港人下午茶嘅美食，因为一件热辣辣新鲜出炉既蛋挞，酥皮松脆，蛋浆滑溜，加上一杯热奶茶，就可以抵销港人半日嘅辛酸，但一件普通嘅蛋挞，点可以满足到嘴刁嘅香港人，因为皮蛋挞非常考功夫，要做到外层松化、蛋浆软滑既酥皮蛋挞谈何容易。最近有间好受欢迎既茶餐厅，原因系因为佢地既酥皮蛋挞。
金园茶餐厅系位于长沙湾工业区既一间旧式茶餐厅，平时食客都系街坊多，不过可能因为疫情，香港人无得去旅行，只可以专心一意系香港揾美食，最近社交平台发起一个香港蛋挞关注组，将各大茶餐厅嘅蛋挞比较，有网民将呢间金园茶餐厅嘅酥皮蛋挞放咗上去，引起热烈嘅关注而爆红，蛋挞厚得黎又松化既卖相，吸引左好多蛋挞迷过黎帮衬，高峰时期要排足45分钟先买到，由此可见佢有几受欢迎。
金园茶餐厅其实已经长沙湾开业二十几年，系1998年开业，系家庭式经营，呢家由第二代既次女接手。第一代店主做法就系贵精不贵多，所以餐牌剩系得两页纸，款式唔多，不过茶餐厅要有嘅佢都有，当中猪扒烩意粉最出名，因为入面既秘制黑椒系前店主拜师学习，黑格豆要亲自去上环海味店挑选，对食物非常执著。特别一提每人最低消费$19，所以净系食一个蛋挞唔够。
当日系红日去，大概下昼两点去到餐厅，会见到餐厅左右有两条队，左边系堂食，右边净系买蛋挞，右边条队会比较多人，大概六到十人，每次都系半打半打咁买，蛋挞出炉一底大概有36件，所以两、三分钟就会扫光一底。而左边条队大概有四个人，可能因为我一个人去，所以好好彩唔驶等就入到去堂食。
店内都算灯火通明，长身会贴咗店舖旧面貌嘅相片，餐厅既一砖一瓦、家私、水吧全部都系自己设计同制造，不过佢哋嘅长枱大细比较细，再加上疫情关系，用隔板分开一半，就窄上加窄，啲嘢食紧贴住隔板。
-
1️⃣ 酥皮蛋挞 💰8（👅: 8.5/10）
酥皮蛋挞
$8
13 浏览
1 赞好
0 留言
呢度蛋挞嘅酥皮系用面粉、猪油同奶粉做嘅油酥皮，搅拌后放入雪柜，经过一晚松筋，再加上用鸡蛋、奶水、糖、油整成嘅水油皮，同样冷藏过夜，将两层皮叠起，不断对折，完成后再放入雪柜过夜，呢个多年不变、经由入行已经四十几年老师傅既蛋挞食谱，先做到呢个咁特别嘅酥皮。
一个好食既酥皮蛋挞，我觉得首先皮要酥香松化，厚度要适中，酥皮与蛋浆的比例要恰到好处，食起黎先有层次感，因为酥皮太厚无层次，太薄又好易变实，承受唔到蛋浆重量，未系焗炉里发起就已经比蛋浆压扁。而蛋浆口感要滑，唔可以离边，如果唔系有虚位既蛋浆食落会韧。蛋浆比例要适中，入口先够滑同带蛋香，如果蛋分量太少，蛋浆会过稀唔够蛋香。蛋挞味道又唔可以太甜，如果唔系会抢左酥皮既油香。
酥皮蛋挞大细差唔多掌心咁大，睇落脤卜卜，个个都系色泽金黄色，个酥皮比一般面包舖厚好多，有足料既厚酥皮，外表非常之靓，无论系酥皮定系入边嘅蛋浆，闻落好香牛油香味，蛋挞罗上手，足秤重料，八蚊呢个价钱非常贴地。
入口酥脆又松化，酥皮够厚，挞皮层次分明，但酥皮究竟厚好定薄好就好睇个人口味，一个蛋挞点好食法，冻都唔会系好食，而呢个食落够热辣辣，焗得够干身。
中间蛋浆部份呈金黄色，入口滑溜而且有蛋香，蛋汁胀卜卜，蛋香同牛油香并重，食落唔油腻，甜度亦恰当，要挑剔既系如果可以再甜啲、蛋浆再厚D、蛋挞既底都好似外层咁松化会更好食。
-
🍲 特餐💰40
2️⃣ 沙嗲牛肉面 （👅: 7.5/10）
沙嗲牛肉面
$40
27 浏览
1 赞好
0 留言
沙嗲牛肉面算系依度嘅招牌，沙嗲牛肉配方系上一代店主自己研究，去左唔同地方试完之后，揾到呢间沙嗲厂出产既沙嗲酱，而且用左新鲜牛肉。
沙嗲汁主要得牛肉有沾到，而碗面本身系无咩，所以牛肉食落算够味，不过个汤面就唔太够沙嗲汁，而且汤底偏咸，食落会口渴。
牛肉食落较厚，算冇乜筋，份量有四、五旧可以接受。
面应该系大光面，食落算小小淋，我个人钟意硬身D。
-
3️⃣⃣ 火腿奄列（👅: 7.5/10）
多士
$2
17 浏览
1 赞好
0 留言
火腿奄列食落正常，蛋煎到半生熟，切开中间会漏少少蛋汁，不过会有小小㶶边，食落都有小小㶶味，火腿份量正常，不过油味重左D。
-
4️⃣ 多士 +💰2（👅: 7.5/10）
多士烘到偏㶶，牛油都算足够，小小脆身。
-
🍹 冻柠茶 +💰2（👅: 7.5/10）
冻柠茶
$2
47 浏览
1 赞好
0 留言
冻柠茶茶算几浓，但唔会好涩，加埋柠檬几香，系杯唔错既柠茶。
-
🌟其实长沙湾同区既新华茶餐厅都系出名蛋挞，我食过觉得蛋挞酥皮偏厚，要食多两啖先食到中间，虽然酥皮松化、蛋浆稠度适中，不过甜度偏淡、蛋香较单薄，酥皮同蛋都是咬落较软，个人钟意金园蛋挞多D。
好食系好食，但值唔值得山长水远买，就好睇大家几钟意蛋挞，如果系买一底返去同人一齐食都值得既，如果净系想浅尝一两个，建议不如直接堂食试埋其他野食，因为堂食可以边食边等出炉既蛋挞。而呢度既特餐份量都足够，再加埋蛋挞，其实一定食得饱。
呢度系蛋挞每朝六点就出炉，网上写每10分钟就出一次炉，但实际我果次食见到差唔多7、8分钟就出一次炉，可能因为出咗名，为左满足大排长龙嘅大家。店内都有其他新鲜出炉嘅面包同西饼好似合桃蛋糕、蝴蝶酥、椰挞、鸡批卖，价钱都系合理。另外店铺既黑椒炒意粉都系人气之选，过黎试蛋挞个时可以顺侯一试。
-
👅味道: 8/10
🍴环境: 6.5/10
💰消费: 60 (服务费: NA)
❗ 每人最低消费$19
张贴
