澳洲牛奶公司

营业中

休息中

㖊日下昼同屋企人因事出佐敦，当然唔会错过顺便去澳洲食炒蛋嘅机会啦，每次行过记番起佢啲炒蛋，就自自然然想再食多次重温一下美梦，实在太丰厚太嫩滑，令人难以忘怀！去到门口，要排队㖞！佢实在太红，太多人识又太多人食啦！不过因为入面啲伙记个个都有 turbo 手，等位都系超快，而且好少人入去可以坐多过二十分钟，入座快，上嘢快，收嘢快，连埋单个阿姐都咁快，确实犀利！唔驶一阵，我哋已经坐咗喺入面嘞！成间舖充斥住伙记同食客嘅各种声音，好热闹亦好嘈，呢啲就系澳洲嘅特色！都系做咗正经嘢先，我哋叫咗： 蛋白炖鲜奶：一向唔钟意奶类食物，但系呢个甜品就好得我心，差唔多系我而家惟一接触奶嘅食物，又白又滑又充满奶香，热食最好由面一下一下片食到底，唔系好易冻！冻食就冇所谓，热天，梗系食冻啦！ 快餐：茶餐同佢都出晒名劲多人叫，呢两个餐改乜都得唔驶加钱，只要同类就可以，好鬼贴心！我将牛油方饱改做多士，将煎双蛋改做炒蛋，餐饮要咖啡，好多客都系咁改，啲伙记亦都会问你，所以唔驶唔好意思。多士热辣辣又够厚身，好有质感，蛋仲系做得咁好，有好多蛋汁，又香又嫩滑，将啲炒蛋放上块多士上面一齐食系我觉得最完美嘅食法嘞！多士索咗啲蛋汁再喺口