OPPA Coffee Bar Restaurant

营业中

休息中

行过尖沙咀想食韩国野，见到有一间有几个人排队，见到出面啲menu有超级邪恶既火山熔岩炒饭，即刻口水都流埋，排左十几分钟就入得。同朋友二个人叫左个鸡肉蛋浆熔岩炒饭，韩式炸粉丝同蜜糖牛油炸鸡。叫完无耐，个鸡肉蛋浆熔岩炒饭已经黎到。我认为呢个熔岩炒饭系必点之选，芝士既份量大约有一个拳头咁多，加埋蛋浆，由韩国侍应生用火枪即场系你面前烧，又可以打卡又好食。炒饭几有口感，虽然唔多食得出鸡肉，但系芝士配合蛋浆既味道实在太香浓，好"芝"味，芝士拉哂丝咁，一定要试。之后就有韩式炒粉丝。啲粉丝酸酸地咁，又好弹牙，令人愈食愈想食，非常开胃。而且粉丝同佢啲调味料味道好夹，值得试下。最后上蜜糖牛油炸鸡，份量都几多，味道比较甜，可能岩女仔食多d，有好多蜜糖系炸鸡同薯条上面，配埋牛油味系唔错既，个皮都炸得脆，有d薯条就比蜜糖整淋左。整体黎讲系高质既韩国食店，不过地方唔算大，位置都唔算多，下次食要book定位。埋单个时会有粒糖比你都几好。