北海道牧場餐廳 (已結業)

因为日日要去玛嘉烈做电疗嘅关系，所以日日都会经过美孚。睇住呢间嘢开。帮衬过两次，上次食有奶酱多嘅港式早餐，今次食牛角包还记得湾仔老尖店若干年前初开店时系威系势，啲人排唒队去食，好似前世未食过蛋同多士咁。店铺主打系个北海道牛奶炒蛋，但蛋无蛋味，还算食得落系因为火腿同半溶芝士呢个不败组合。 讲返第一次个港式早餐，无咗牛角包同芝士嘅加持，真系等同淡如水一般的爱情，盈晖台间大快活炒蛋都好过佢十万倍，真系多谢唒听日见。另外不论冷热饮品就算堂食都系用即弃杯，其实横竖只碟同餐具都要洗，洗多只杯有几难?！做生意赚钱之余有返少少企业良心好无，多爱惜地球一点点可以吗？