影片
更多
2013-04-27
38 浏览
前排经过教育路见到一间门面好吸引叫蛋包饭嘅食店, 一睇就知唔系d寂寂无名嘅小店, 今晚特意嚟试下。晚上九点几, 无需等位但客人唔算少。果然, 天后亦有呢间蛋包饭, 而且有几个电视节目介绍过。全店木枱木櫈, 大路日本餐厅装潢, 但布置有点玩味, 用咗打蛋形籐制灯饰, 同埋墙上用蛋纪念品砌成好大个蛋字, 凸显蛋这个主题。座位分布亦唔会有好迫感觉。重点当然睇下有咩招牌菜/ 推介先啦, 见到墙上贴出嚟嘅相介绍, 下! 一个蛋包饭要$158? $198? 比预期中贵, 我预算系一百蚊左右, 而我认为佢呢个价钱已经可以系一间中档意大利餐厅食个好味嘅意大利饭喇。不过入到嚟唔理点都要试下, 其实餐牌上其他蛋包饭有部份都唔过一百蚊。最后我点咗菠菜带子蛋包饭、和风牛舌蛋包饭同埋芝士无骨鸡翼。配蛋包饭嘅汁仲有三个选择, 咖哩汁、茄汁或白汁。我选咗咖哩汁, 我觉得会比较稳阵, 同埋可以试下够唔够传统日式。店员问加唔加18蚊转流心蛋, 一来我觉得贵, 二来我想试咗regular先, 所以无转流心蛋。饮品方面, 呢度竟然无茶胆, 即系无奶茶柠茶供应, 今日好想饮冻柠茶, 唯有饮冻柠水啦!餐牌注明蛋包饭制作需时约十
晚上九点几, 无需等位但客人唔算少。果然, 天后亦有呢间蛋包饭, 而且有几个电视节目介绍过。全店木枱木櫈, 大路日本餐厅装潢, 但布置有点玩味, 用咗打蛋形籐制灯饰, 同埋墙上用蛋纪念品砌成好大个蛋字, 凸显蛋这个主题。座位分布亦唔会有好迫感觉。
重点当然睇下有咩招牌菜/ 推介先啦, 见到墙上贴出嚟嘅相介绍, 下! 一个蛋包饭要$158? $198? 比预期中贵, 我预算系一百蚊左右, 而我认为佢呢个价钱已经可以系一间中档意大利餐厅食个好味嘅意大利饭喇。不过入到嚟唔理点都要试下, 其实餐牌上其他蛋包饭有部份都唔过一百蚊。最后我点咗菠菜带子蛋包饭、和风牛舌蛋包饭同埋芝士无骨鸡翼。配蛋包饭嘅汁仲有三个选择, 咖哩汁、茄汁或白汁。我选咗咖哩汁, 我觉得会比较稳阵, 同埋可以试下够唔够传统日式。店员问加唔加18蚊转流心蛋, 一来我觉得贵, 二来我想试咗regular先, 所以无转流心蛋。饮品方面, 呢度竟然无茶胆, 即系无奶茶柠茶供应, 今日好想饮冻柠茶, 唯有饮冻柠水啦!
餐牌注明蛋包饭制作需时约十五分钟, 但我个饭好快就送到我面前。卖相靓仔, 汁淋系饭上面之余仲铺满成个平碟(我觉得呢点好重要, 最怕食有汁饭唔够汁), 饭上面有一片蕃茄, 蕃茄上面仲有葱丝, 美观之余仲可以清新一下口腔。好喇! 将主角放入口, 蛋皮好滑, 虽然无咩菠菜味(通常都无嘅), 已经好滑, 如果转埋流心蛋都唔知会点喇! 饭中有带子味, 粒粒分明, 软硬适中, 带子鲜甜, 唔系原粒, 但切得好大粒, 唔系碎, 份量唔少, 啖啖都有带子, 至于咖哩汁亦系传统日式咖哩, 整体都好味!
风和牛舌蛋包饭, 牛舌唔膻, 有牛香, 弹牙, 配埋洋葱一齐炒饭, 好惹味! 惊喜!
芝士无骨鸡翼, 虽然系炸物，但干身, 一点也不油, 但略嫌唔够芝士, 食唔到浓浓芝士味。
题外话/补充资料：
店员告知餐厅做紧宣传活动,只要系facebook赞好, 就可以得到墙上面嘅鸡蛋纪念品一款。
(以上食记乃用户个人意见 , 并不代表OpenRice之观点。)
张贴
