餅店

营业中

休息中

沙田凯悦酒店嘅「饼店」（Patisserie）有两样名物：蜂蜜蛋糕及苹果批，早前到过酒店嘅「咖啡厅」食自助餐，咁远水脚到嚟，就梗喺顺便将佢哋嘅「沙田蜂蜜蛋糕」带埋返屋企同家人享用啦！蛋糕表面烙有别致嘅蜂巢坑纹喺佢嘅标记，而采用沙田一家养蜂场自家生产嘅纯天然蜂蜜嚟制作喺个蛋糕嘅卖点，再者，无防腐剂，既需要雪藏，又只有几日食用期，喺健康嘅印证，尤其呢个年代，好多人食嘢都讲求健康。跟一般嘅海绵蛋糕唔同，质感绵蜜好多，亦较为实净啲，但不失松软，带微微湿润，有蛋香得嚟而渗出阵阵蜂蜜嘅馥郁芳香，甜味感觉似喺无修饰过嘅自然，却唔喺死甜𠮶种，老婆就劲赞佢好食，不过，定价唔便宜啊！卒之试咗其中一款名物，有机会再到访嘅话，就要试试其苹果批，喺咪传说中嘅美味。