四季園

营业中

休息中

餐厅环境舒适，枱与枱之间有距离，餐枱大张，座位阔落，坐得舒服～ 设有水机，可以自由斟水。叫咗一个🍗🍚鸡腿肉卤肉饭（少饭）$60，🌽🧀玉米起司肉松蛋饼$44，热蜂蜜绿茶🍯🍵$23，朋友一样点了鸡腿卤肉饭，珍珠奶茶$25同冻蜂蜜绿茶$23。🍗🍚鸡腿卤肉饭，鸡腿十分嫩滑！卤肉饭酱汁甜甜地，有蒜香味，唔会太咸和浓味，味道刚好，卤肉嘅皮好Q弹，卤肉有啲太肥，有啲肉同脂肪比例刚好，质地淋身，但不会稀烂。一碗饭，可以食到两种配料，好满足！🧀🌽🐖玉米起司肉松蛋饼好出色！外皮完全唔油腻，质地好弹，包住热辣辣香浓嘅蛋，蛋味好浓郁，渗出咗嘅芝士🧀，咬落有香甜胀卜卜嘅粟米粒🌽，好有口感，层次丰富，加上脆口干身嘅肉松🐖，超级好食！碟边配有辣酱，喜欢食辣嘅朋友，可以点吓个酱汁，另有一番风味～蜂蜜绿茶，🍵绿茶味浓，🍯蜂蜜唔会过分甜，比例啱啱好，好饮！注意事项：餐厅设有最低消费，每人$49。另外，有落场时间，系3:00pm，要黎食嘅朋友注意，最迟2:15pm嚟到。由于餐厅系一人小店，制作需时，要耐心等候。同埋餐厅只收现金。