你妳 (已結業)

太耐冇去过台湾食早餐，今日午餐特登黎个蛋饼餐，估唔到味道同口感更胜台湾! 老老实实呢度既蛋饼最吸引，用左手抓饼煎个蛋落去，加上热到溶溶地既芝士同大量肉松，食落味道超丰富，芝士同蛋口感柔软好夹，惹味既肉松带出多啲层次。最衰冇豆浆，但个高雄红茶牛奶小芋圆都好足料，叫左少甜反而岩我口味。两卷蛋饼已经好满足，跟餐仲有个鲁肉饭。 既然系咁就加个最爱的台湾小食蒜蓉台湾肠。煎得恰到好处既香肠片带点焦香甜口，配埋蒜蓉辣椒既刺激简直系重口味人士至爱，非常下饭。鲁肉饭俾足料，味道不过不失，呢度已经够两个女仔share 黎食个令人走一转台湾既午餐了！