蛋哥 (已結業)

星期六到观塘闲逛，见到有间新餐厅系主打食蛋，所以决定一试。当日下午1:30到餐厅，可能新开，得1枱客。望一望餐牌，有蛋包饭，餐肉蛋饭，其实仲有干炒牛河同星洲炒米。今日仲有是日推介，芙蓉蛋饭。所有午餐都包一杯热饮（冻饮加3蚊）。最后叫咗日式蛋包饭同芙蓉蛋饭。呢个蛋包饭唔似一般既日式款，饭系用烟肉同鸡粒做炒饭，个蛋就放系面，蛋有牛油味，算滑。另外跟餐有个蒸蛋，不过就一般同唔够热。芙蓉蛋饭一上枱都有茶餐厅感觉，食落个蛋唔算好干，都香囗，算系不错。餐厅环境简洁，木系原素为主。杯碟都印有蛋既图案。另侍应服务良好，中途仲同我地讲如果蛋包炒饭唔够，可以加饭。整体餐厅食物不错，算系清新版既茶餐厅，可以一试。