蜆勁村盧爸爸私房菜 (已結業)

蚬劲村系一间位处太和站附近屋苑里嘅小店，对居住喺九龙嘅我，确系有啲遥远。难得有个星期六踩完单车觅食，我地就觅食到太和。招牌卢爸爸炒蚬店家招牌菜之一，蚬肉只只都够大只，卢爸爸应该精心挑选好材料吧，蒜蓉汁香辣惹味，但食完发现碟底原来都几油。蒜蓉炒时蔬：本来想食腐乳炒菜，但怕太肥腻，呢碟菜落左好多蒜蓉炒好香，但都系嫌佢有啲油。是日推介：胡椒虾因为见到墙上写住是日推介，所以叫左呢碟虾，但系食左一两只虾，已经觉得啲虾过油但唔够胡椒味。呢碟唔推荐。食完今餐之后，我同老婆都一致觉得呢度用料好，食得出厨师嘅用心，而且碟头颇大。可惜系调味偏重，𩠌菜有啲油腻，适合食得偏重口味嘅人。