日日蒸腸粉 (已結業)

话说琴日畀小巴司机喺先达放低左一路行返去奥海城。中途经过旺角中心，记得有人介绍过呢间蒸肠粉唔错，就去试下啦。佢开得晏，一直冇机会买嚟做早餐。反正都到lunch Time，就上咗去一楼买咗盒蚬肉蒸肠粉。我唔食葱，店员就好友善咁话可以帮我走葱。𠮶时冇乜人，即叫即整都唔算等左唔系好耐。肠粉唔止够滑，个汁都唔系普通豉油，有啲似我上次去广岛买𠮶只蚝汁，真系劲正！$26来讲真系试得过，份量够一个女仔食，男士们一份未必唔够饱。下次可以试埋其他味！