茶狼 (已結業)

朋友强烈推介茶狼，见到APM开咗新袍当然要去试吓啦，晚饭后谂住去买杯嘢饮，见到水牌写住C 楼层，其实就系地下大堂，行咗一圈都见唔到，原来系靠近行去地铁站天桥之前𠮶个铺位，位置都几隐蔽。点野饮系喺门口，再行入铺内攞野饮，铺头入边有啲座位装修格局不错。点左蜜瓜奶盖，入边真系有一粒粒蜜瓜肉，但略嫌蜜瓜味有啲淡， 奶个味道不错亦好幼滑，值得一赞系甜度适中不会太过甜腻。点野饮时候亦有一个小插曲，话说我哋本来想点最出名嘅甘蔗，我都未讲完个嘢饮名，take order 个staff 就好恶咁讲卖晒！咁我哋再睇下转咩其他嘢饮啦，佢表现极度不耐烦，因为我哋阻住佢玩手机，好喇咁我哋转咗做蜜瓜，一样都系未讲完佢就喝我俾钱💰，其实我哋本来想再点多杯紫薯试吓，但佢用咁恶劣嘅态度去催促我哋俾钱，搞到我地兴兴地都已经冇心情再叫其他嘢，好似我哋黎叫嘢饮系我哋做错d咁。。。莫名其妙🤷🏻‍♀️ 买杯嘢饮竟然会被如此对待，更好饮都未必会再帮衬😔