Dazzling Cafe (The ONE)

营业中

休息中

星期日夜晚叫男朋友陪我食我好钟意食既蜜糖吐司。讲到蜜糖吐司，当然不得不去蜜糖吐司既始祖Dazzling Cafe啦。除左蜜糖吐司，我地仲叫左佛罗伦斯花枝干贝面同2杯饮品。佛罗伦斯花枝干贝面好惹味，干贝几大粒亦弹牙，另外仲有花枝圈、西兰花、菇同小番茄。莓好时光蜜糖吐司上碟啦。方包入面有数条面包条，全部都烘到好香脆又有蜜糖味，加上大量士多啤梨、焦糖马卡龙、两条朱古力脆条、忌廉同一球士多啤梨雪糕一齐食，好邪恶但都要食。饮品叫左极品可可沙冰同100%现榨奇异果凤梨汁。极品可可沙冰拣左特浓朱古力，果然好浓朱古力味，配上厚忌廉、Oreo同朱古力脆条，朱古力迷必饮。100%现榨奇异果凤梨汁饮到好多奇异果籽，真材实料。