影片
更多
2019-08-09
3686 浏览
初时单睇见餐厅嘅名字，有啲好玄、好禅嘅感觉，但姑勿论个名有无咩玄机，一睇都知喺日系餐厅。趁着每月第一个周日都会出开嚟尖沙咀，就同老婆入嚟食餐晏，撑撑枱脚，以美味嚟治愈心灵。未走入店内，晌门见到挂有「日本产米使用店」嘅小木牌，心里就有种保证嘅感觉。如果你睇过一啲节目或纪录片，介绍日本米农，就知佢哋对种米嘅认真、热诚同坚持。餐厅环境唔算好大，但一室浅色木系，装潢简洁朴实，一贯嘅明亮和风，加上楼底高，并以点回盆栽作点缀，予人有份小清新嘅感觉。如果一个人嚟，最好就坐晌靠窗嘅吧位，睇睇街景，自在啲。此外，留意到靠墙一边嘅吧位，枱下专登设有UBS插头，甚至电制位，可以开着部手提电脑，晌度打吓趸，写吓嘢、食吓嘢都得。午市嚟到，主要喺供应午餐「自选午餐定食」，有三主菜、二主菜及一主菜定食，究竟点玩法？其实好简单，看图认字就得喇，主菜选择亦多，有冷盘主菜、锅物主菜、烧物主菜及炸物主菜，奉送埋餐汤及沙律，定价为$128或$98 + 10%。老婆唔大食，就拣二主茶，而我就想试多啲，就拣三主菜，因为仲送埋甜品添。除咗午市餐牌，枱上仲有啲细餐牌，包括小食同自家制鲜果雪葩，都晌午市有供应。而讲到饮品，都颇多选择，
未走入店内，晌门见到挂有「日本产米使用店」嘅小木牌，心里就有种保证嘅感觉。如果你睇过一啲节目或纪录片，介绍日本米农，就知佢哋对种米嘅认真、热诚同坚持。
餐厅环境唔算好大，但一室浅色木系，装潢简洁朴实，一贯嘅明亮和风，加上楼底高，并以点回盆栽作点缀，予人有份小清新嘅感觉。如果一个人嚟，最好就坐晌靠窗嘅吧位，睇睇街景，自在啲。
此外，留意到靠墙一边嘅吧位，枱下专登设有UBS插头，甚至电制位，可以开着部手提电脑，晌度打吓趸，写吓嘢、食吓嘢都得。
午市嚟到，主要喺供应午餐「自选午餐定食」，有三主菜、二主菜及一主菜定食，究竟点玩法？其实好简单，看图认字就得喇，主菜选择亦多，有冷盘主菜、锅物主菜、烧物主菜及炸物主菜，奉送埋餐汤及沙律，定价为$128或$98 + 10%。老婆唔大食，就拣二主茶，而我就想试多啲，就拣三主菜，因为仲送埋甜品添。
除咗午市餐牌，枱上仲有啲细餐牌，包括小食同自家制鲜果雪葩，都晌午市有供应。
而讲到饮品，都颇多选择，如多款特色茶品、梳打、咖啡、甘酒（并非酒类，无酒类成份，喺一种植物性乳酸菌）、夏日特饮、日本果酒、烧酌鸡尾酒……等等，都喺甚具亮点嘅。故此，不妨试番杯，因为享用午市套餐，饮品有半价优惠。
二主菜自选午市定食 $98整份定食一盘过送上，摆得非常精致，基本定食已包有柚子醋田园沙律、味噌汤、莲藕渍物、南瓜高野豆腐酱油煮、吉列沙椎鱼咖喱铜、十谷饭，非常丰富，份量又十足，且高营养值。
南瓜高野豆腐酱油煮好一贯日本菜嘅精致，而且，仲有啲家庭风，日本南瓜极为粉甜，但煮得仲带少少爽口感，而高野豆腐唔喺滑滑溜溜𠮶只，反而有少少似我哋食冰豆腐咁，具咬口感，感觉比较清爽。
吉列沙椎鱼咖喱铜咪睇「小」个小铁锅，都有成4件吉列沙椎鱼，入口甘脆不腻，而咖喱浓香带微甜，轻微嘅辛辣而已；此外，锅内仲有唔少洋葱同甘笋，保持食得够平衡。
吉列沙椎鱼咖喱锅
38 浏览
0 赞好
0 留言
近年都好流行食呢类十谷饭，比白饭富更多唔同嘅营养，其实，我哋自己问屋企煮饭，都好喜欢加入糙米同红米，故此，十谷饭就更得我老婆欢心。由于十谷嘅份量唔会占好多，所以，唔使担心难入口。
三主菜自选午市定食 $128我嘅三主菜，就拣咗日本南瓜薯仔沙律、季节野菜锅及柚子风味烧鸡，配白米饭，当然，同样包埋柚子醋田园沙律、味噌汤、莲藕渍物。一大盘定食，有咁多嘢，睇见都开心架。
柚子醋田园沙律沙律最紧要嘅喺一样嘢，就喺够新鲜，啲沙律菜入口新鲜爽脆，糁上少少芝麻，伴以几片苹果片，捞上柚子醋，酸爽清新，真喺越食越开胃。
日本南瓜薯仔沙律虽然已奉送简单嘅沙律，但冷盘主菜类都想拣多客沙律，加上小弟都几钟意食南瓜。个沙律用上大量嘅蛋黄酱去混和南瓜及薯仔，口感较为丰厚，不论南瓜，抑或薯仔，味道自然。
味噌汤喺简单版本嘅味噌汤，只喺放上少少葱花，但以小木碗盛载，嚟得轻松悠然。虽然简单，但面豉嘅香味一啲都唔失礼，味道清雅不浊，喺食完啲沙律后，暖暖胃嘅佳品。
莲藕渍物其实，呢道渍物正名我都唔知喺乜，暂且叫佢渍物，因为「黑掹掹」有啲似我哋食开嘅榄菜，咸咸香香咁，而啲莲藕口感仲喺爽爽脆脆，伴饭都几唔错。
季节野菜锅本来想拣罗宋风牛腩锅架，我都喺食肉兽嘛，不过，近来食得太多肉，又就一就老婆偏素嘅饮食，所以，选咗野菜锅。一锅都有好多野菜，鲜冬菇、本菇、芽菇、南瓜、萝卜、大葱……等等，朴素得嚟唔会「淡茂茂」。
柚子风味烧鸡就算呢道烧鸡，都算白肉吧，亦喺专登拣嚟就老婆口味。鸡扒煎得外皮焦香，皮下脂肪少，肉质就保持到嫩滑，咬落坚有一阵阵柚子香，唔会话得个样，加上件鸡扒都几大件呀！
柚子风味烧鸡
27 浏览
0 赞好
0 留言
白米饭既然用上日本米，自不然要嗒真啲味道啦。其实，我哋都曾经买过日本米返屋企煮（一次咁大把），真喺好贵，近百蚊一包都喺二公斤装。虽然，无话好味到晓飞，但米香十足，口感黏糯，此外，怀着感恩之情去细味，就喺对辛劳嘅米农一份敬意。
赤紫苏柚子梳打 +$24喺炎夏限定，睇见个餐牌嘅介绍，有咁多功效，打动老婆都心郁郁，虽然无热饮，但可要求少冰，微微凉，一阵阵酸香味，有啲似洛神花，又渗出点点柚子香，确喺炎夏醒神之选。
赤紫苏柚子梳打
$48
25 浏览
0 赞好
0 留言
小弟就情有独钟啲黑糖，加埋日本青梅，味道真喺好特别，青梅嘅酸甜味好突出，饮落酸爽清新，再慢慢嗒落有种黑糖嘅纯自然蔗糖香，估唔到咁样配搭能擦出火花。
日本青梅黑糖苏打
$42
37 浏览
0 赞好
0 留言
我嘅三定食餐会附送迷你版「京茶咖啡软雪糕」，但店长好好人，送多客「甘酒美人软雪糕」俾我哋试。前者京都焙茶混入咖啡，变成具和风独特嘅「鸳鸯」口味，浓郁好味，雪糕嘅质感亦柔滑非常。而后者食落如北海道嘅牛乳雪糕，富奶香，由于用北海道直送嘅生曲嚟发酵制作，故特别富多种天然营养素。
京茶咖啡软雪糕、甘酒美人软雪糕
15 浏览
0 赞好
0 留言
今次，虽然两公婆只喺食个晏，但由于个定食配搭多，所以，就算两份定食，都试咗好多款食物，食得出用心制作、配搭有心思、用料无欺场，而且，服务都好好，店员有礼貌，又有笑容，晌咩时候，做人要有正能量至得嘅。
张贴
