一虎

营业中

休息中

之前朋友带我黎食过一次嫁喇，但我觉得真系太好食喇，所以一系湾仔就好自然想黎呢间餐厅食饭。哈哈，一如既往我都系叫我既挚爱 - 海老虎拉面。个汤底非常浓郁，虾味好出，但又唔会腥。不过如果怕太重口味既朋友可能唔太岩，因为呢个拉面真系我食过最浓郁既虾汤底拉面。个面上面仲要铺满樱花虾，系多到见唔到其他料，所以个汤底可谓十分足料。而且面条非常弹牙，吸埋d汁简直一流。朋友果个系黑虎拉面，黎到已经闻到好强烈既黑蒜味。食落并无闻落咁重黑蒜味，但都同其他拉面一样，汤底依旧系好浓郁。面条朋友拣左幼面，所以面条容易吸到d汁多d，大家可以根据自己既喜好拣选返自己钟意既面质。另外我地仲叫左碟饺子，可能因为系自家制，所以比一般饺子多馅，非常足料。最后都系要重提海老虎拉面，因为实在太爱佢，哈哈。