麥當勞

营业中

休息中

疫情期间，为咗保护自己安全，都系外卖安全啲，近来见到麦当劳出咗个新包，系期间限定既虾堡，系虾！虾！虾！重要嘅事要讲三次，为左想试真d虾堡既肉，仲特登叫左无菠萝既版本，谂住一试便知龙与凤。点知，希望愈大失望越大，外卖打开个包，oh my god，个包皮又压扁了又皱，睇到都无咩食欲，咬完落个包，的确见到两三只完整既虾，其余既都系虾胶？打成既虾饼，食落口感好似梅梅地，d千岛酱味又太浓盖过虾既味道，总的来说，配搭同食材口感都有改善空间，不过⋯⋯应该唔会试第二次了。跟餐优惠配埋个新嘅香蕉朱古力麦旋风，香蕉🍌味唔多觉，更唔好期待有香蕉蓉/香蕉肉出现，但加左香蕉朱古力糖浆既雪糕，甜度高出平日既麦旋风几倍，食多两啖，发觉单吃雪糕底仲好，最后剩下d酱腻到唔敢食了。