麥當勞

营业中

休息中

因为睇到广告话今期有樱花虾味调味粉同埋白桃特飮,所以中午外卖咗个"大大啖菠萝虾堡套餐"翻屋企食,主角菠萝虾堡个包砌得企企理理,非常美观,块炸虾饼外面脆里面弹牙,不过就好清淡冇乜味,反而配角炸薯条落咗樱花虾调味粉之后几惹味!口味有啲似云吞面档啲虾籽粉,一试之下,瞬即成为我咁耐以嚟最钟意嘅薯条调味粉!以前最爱嘅紫菜调味粉都要屈居做阿二;我建议大家如果想个虾堡好味啲,可以落少少樱花虾调味粉响块虾饼喥,个包当堂惹味咗!另一配角"白桃特饮"啲颜色同个餐嘅樱花主题衬到绝一绝!淡淡嘅粉红色望落已经十分舒服,飮落系好对办嘅桃味汽水,大大杯十分满足!所以话今次麦记套餐啲配角抢尽晒主角嘅风头,妹仔大个主人婆。