楊記麵家 (已結業)

呢份工虽然睇落唔系好重，但系用咗唔少脑汁同埋精力，所以到咗假日我都会去湾仔一处相熟嘅地方做推拿。呢一日做完推拿之后，我同阿K响地铁站附近会合，再睇吓附近有啲乜嘢可以医肚。我地行经呢间面舖，见装修得几光鲜，于是入去里面试一试。我留意到隔离台都有嗌虾子捞面，于是我都叫咗一客，仲加埋牛肉，睇吓会唔会有元朗「好到底」嘅水准。虾子嘅质素上乘，味道不浓但好似细水长流，配上弹牙嘅面条，令人留下深刻印象；牛肉味道亦不错，唔会话隐隐然有一股淡淡嘅苦味(这是落梳打粉过多嘅后遗症)。阿K食咗一碗墨鱼丸粗面，墨鱼丸本身质地够实净，唔会话捞得太多粉而变得组织松散。价钱一点儿都唔贵，平均每人都系食咗十八蚊。路经此地，不妨试一试。